Pjetër Rushaj humbi jetën ditën e djeshme së bashku me djalin e tij Jason në Bogë të Malësisë së Madhe. Të dy, bashkë me vajzën po udhëtonin me mjetin e tyre tip Mercedes Benz, por rrjedha e madhe e ujit ka marrë përpara Benzin e më pas edhe dy viktimat, që u gjetën të vdekur pas 16 orësh kërkimesh.
Pjetri ishte një biznesmen i njohur në zonën e Shkodrës, teksa kishte lënë Anglinë për tu vendosur në Shkodër, ku kishte ndërtuar dy shtëpi turistike në Bogë, së bashku me vëllanë e tij. Pas shirave të shumtë, Pjetri ishte nisur të shkojë për të parë shtëpitë e tij nëse ka pasur dëme materiale.
Së bashku me Jasonin 14-vjeçar dhe vajzën 16-vjeçare, Rushaj ka tentuar të kalojë një përrua në zonën e “Grykë Lugjes”. Në atë përrua autoritetet nuk e kishin parë të arsyeshme të ndërtonin një urë, por banorët dhe makinat kalonin mes përroit. Rrjedha ka qenë aq e fuqishme, sa nuk e ka lejuar Benzin të përparojë.
Në atë moment, 50-vjeçari dhe dy fëmijët kanë mundur të dalin nga makina dhe Pjetri i ka kërkuar vajzës të shkojë në fshatin më të afërt për të kërkuar ndihmë nga banorët për nxjerrjen e makinës. Më pas një valë e fuqishme e “Përroit të Thatë” ka rrëmbyer djalin 14-vjeçar, ndërsa Rushaj është hedhur për të shpëtuar të birin.
Për fat të keq e gjithë kjo histori pati një fund tragjik, pasi asnjëri prej tyre nuk arriti të dilte i gjallë nga uji, teksa paraditen e sotme policia ka gjetur trupat e pajetë dhe makinën e dëmtuar nga përplasjet e shumta prej vërshimit të ujit. Trupat e pajetë janë gjetur 300 metra poshtë makinës.
Jasoni 14-vjeçar synonte të bëhej futbollist profesionist dhe ka qenë pjesë e ekipit të akademisë së futbollit, “Djelmnia Shkodrane”. Fatkeqësisht shokët nuk do të mund ta kenë në skuadër Jasonin për t’i pasuar në fushën e lojës. Babë e bir bëhen kështu viktimat e para të këtij dimri, por jo për shkak të natyrës.
Nuk ishte uji ai që i mori dy meshkujt e familjes Rushaj, por shteti, autoritetet e Shkodrës, që nuk kishin ndërtuar një urë modeste sa për të kaluar një makinë. Askush, asnjë drejtues i asaj zonë në 32 vite nuk e kishte parë të arsyeshme të ndërtonte një mbikalim në “Përroin e Thatë”, që dje vetëm i thatë nuk ishte.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
