Bëhuni gati për dimrin e vërtetë, meteorologët paralajmërojnë borë
Prishtina Weather ka njoftuar për motin që pritet të mbajë në vend sot dhe gjatë fundjavës. Sipas PW’së, në fundjavë priten edhe reshje bore në viset malore.
Ditëve të ardhshme po parashihet të kemi mot më jostabil. Do të ketë më shumë vransira, e kohëpaskohe edhe të reshura shiu, që vende-vende mund të jenë paksa më intenzive. Në fundjavë viseve malore priten edhe të reshura bore.
Cilësia e ajrit mund të shënojë një përmirësim në këto kushte të motit dinamik. Indeksi i cilësisë së ajrit kalon edhe në vlera të pranueshme, por se herë herë mund të rritet edhe në vlera të dobëta, por jo shumë gjatë.
17.11 – Reshjet e shiut vazhdojnë lokalisht edhe orëve të mëngjesit. Ditën do të ketë intervale me diell por edhe vransira.
18.11 – Orëve të mëngjesit mjegull përgjatë ultësirave. Ditën kryesisht me vransira, e më vonë gjatë mbrëmjes priten edhe të reshura shiu.
19.11 – Kryesisht me vransira. Kohëpaskohe priten edhe reshje të dobëta shiu, që orëve të mbrëmjes edhe mund të jenë paksa më intenzive lokalisht.
20.11 – Kryesisht me vransira dhe reshje të dobëta shiu kohëpaskohe. Në vise malore vonë në mbrëmje priten edhe reshje bore.
21.11 – Kryesisht vranët dhe me reshje të dobëta shiu kohëpaskohe. Zonave malore edhe borë.
Temperaturat minimale luhaten ndërmjet 5C e 9C, e ato maksimale zbresin edhe në 12C e 14C ditëve të fundjavës, e të hënën deri në 8C.
Fillimisht frynë erë e lehtë dhe mesatare nga jugperëndimi 3-8m/s, e në fundjavë nga verilindja.
Shtypja atmosferike me tendencë të rënies edhe thellë nën vlera normale.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
