Më shumë se 12 mijë shqiptarë kanë mbërritur në Mbretërinë e Bashkuar vetëm gjatë këtë viti. Numri i shqiptarëve sa vjen e rritet dhe për qeverinë, popullin dhe mediat britanike ky është një problem.
"TheWeek" një media britanike i ka kushtuar një artikull të veçantë "eskodit" të shqiptarëve, numrit total të të mbërriturve në Britani, kushteve të jetesës në Shqipëri, politikave të qeverive dhe faktit se si mund të parandalohet diçka e tillë. Në artikullin e mëposhtëm përmendet fakti se nga Shqipëria po largohet edhe klasa profesionale dhe truri i shoqërisë shqiptare.
Pjesë nga artikulli:
Në një kënd lojërash shkolle prej betoni në Kukës rajoni më i varfër i Shqipërisë një grup adoleshentësh qëndrojnë përreth, duke luajtur volejboll. Këta janë ata që kanë mbetur pas. Dhjetëra shokë të klasës e kanë lënë tashmë shkollën, jo për të shkuar në kolegj apo për të filluar punën në fabrikën lokale, por për të udhëtuar me autobus ose avion për në Francë, dhe prej andej përtej Kanalit për në Angli. Drejtoresha e shkollës, Vjollca Gashi, e përshkruan atë si një epidemi: ajo kishte 1500 nxënës; tani janë vetëm 1050. Zakonisht, studentët largohen gjatë vitit të fundit, por disa janë deri në 15 vjeç.
Në qytetet anembanë këtij rajoni verior dhe më gjerë, të rinjtë shqiptarë po inkurajohen nga përvojat e miqve dhe të afërmve dhe nga rryma e videove joshëse të postuara nga kontrabandistët e njerëzve në TikTok të largohen nga vendi i tyre, në kërkim të një jete më të mirë në Britani. Padyshim që numri i shqiptarëve që kalojnë Kanalin është në rritje. 12,000 nga afro 40,000 njerëz që kanë arritur në Britani me gomone këtë vit janë shqiptarë, nga 50 që ishin në 2020.
Kushtet e këqija të punës dhe të jetesës
Kushtet e punës janë të këqija; standardet e jetesës janë të ulëta. Kushtet ekonomike janë një faktor shtytës, tha Melanie McDonagh në The Spectator. Shumë shqiptarë mendojnë se po jetojnë në një “shtet të dështuar: mungesën e shtetit të së drejtës, ndjenjën se vendi po drejtohet nga një qeveri e korruptuar për përfitimin e vet, pashpresa për perspektivat për ndryshim”. Si rezultat, nuk janë vetëm të varfërit ata që emigrojnë. Po dalin edhe klasat profesionale. Mijëra mjekë janë larguar nga Shqipëria në dekadën e fundit. Pjesërisht si rezultat i kësaj ikjeje truri, Shqipëria (2.8 milionë banorë) kishte vetëm 12 mjekë për 10,000 njerëz në 2016 shkalla më e ulët në Evropë. Në të kundërt, Serbia kishte 31.
Çështje e fuqishme politike
Në Britani, numri në rritje i emigrantëve që mbërrijnë me gomone është bërë një çështje e fuqishme politike, tha Amelia Gentleman në The Guardian. Sidoqoftë, nuk është e qartë nëse numri i përgjithshëm i mbërritjeve është rritur në të vërtetë pasi mijëra të tjerë kanë mbërrituur të pazbuluar në trena dhe kamionë.
Më parë ish-sekretarja e Brendshme, Priti Patel, urdhëroi zyrtarët të eksploronin një sërë zgjidhjesh për të parandaluar emigrantët. Një ndër to ishte edhe parandalimi i shitjes së gomoneve me fryrje në Francë por kjo rezultoi e paefektshme, sepse trafikantët i marrin ato në internet nga Kina. Tani, zëvendësuesja e saj, Suella Braverman, ëndërron t'i dërgojë emigrantë në Ruandë pasi paralajmëron për një "pushtim". Duke rritur retorikën, ajo shpreson të fitojë pikë politike, por rreziku është se ajo vetëm rrit armiqësinë ndaj emigrantëve. Pavarësisht të gjitha pengesave të vendosura në rrugën e tyre, migrantët vazhdojnë të vijnë.
Nuk ka zgjidhje të lehta
Rritja e bashkëpunimit me francezët, do të ulte shifrat, tha Madeleine Sumption në FT.
