Të përpunosh 870 kilogramë hashash brenda një sere më shumë se 2 hektarë është e pamundur pa ndihmën e punonjësve të shtetit. Të njëjtën gjë kanë bërë autorët, të cilëve iu kap një sasi të madhe hashashi, që po pastrohej e paketohej me ndihmën e rreth 100 punëtorëve, shumica gra.
57 efektivë të Drejtorisë Vendore të Policisë së Beratit, mes tyre edhe drejtues të lartë, janë vënë nën hetim për serën e gjetur me kanabis në fshatin Drenovicë të Beratit rreth dy javë më parë. Lajmin e bëjnë të ditur burime të brendshme brenda policisë.
Prej ditës së sotme ka nisur marrja në pyetje e efektivëve të policisë, pasi ka dyshime të forta se kanë pasur dijeni për aktivitetin kriminal dhe nuk e kanë raportuar atë.
Të njëjtat burime konfirmojnë se janë nën hetim, jo vetëm drejtori i DVP Berat, Edmond Tarkaj, por edhe shefi i Komisariatit të Policisë Berat, Skrapar e Dimal, Shefi i Krimeve në DVP Berat, të gjithë shefat e seksioneve në DVP Berat, shefat e policisë kriminale dhe SPZ-të e zonave.
Burime për prokurorinë bëjnë me dije se droga nuk ka qenë e mbjellë në serat e fshatit Drenovicë, por dyshohet është sjellë aty për tu pastruar dhe më pas për tu paketuar, gati për shitje. Nga ajo që raportohet, ky proces kryhej prej një jave brenda serës.
Po të njëjtat burime konfirmojnë se duke parë rrjedhën e hetimeve të deritanishme, dyshohet se kemi të bëjmë me një aktivitet të strukturuar kriminal dhe pritet që të merret edhe vendimi për kalimin e çështjes për hetim SPAK.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
