22 vite më parë, kur shqiptarët në Kosovë shpresuan se krismat e armëve e humbjet e jetëve nga këto krisma mbaruan, një ngjarje e rëndë ndodhi në një fshat të Ferizajt. Një 7-vjeçar humbi jetën nga plumbi i shkrepur i një ushtari paqëruajtës.
7-vjeçari më 10 korrik të vitit 2000, u vra aksidentalisht nga një ushtar amerikan.
Ngjarja ndodhi derisa KFOR-i po i vendoste rrethojat në oborrin e shkollës “Njazi Rexhepi”.
Babai i vogëlushit të ndjerë, dy dekada më pas, tregon se si ndodhi e gjithë ngjarja.
“I ka marrë sheqerat t’ia çoj mamit, ta gëzoj mamin. U kanë vakti i drekës, Sanija i ka thanë rri se buka, e Gentriti ja ka kthy jo se po shkoj më i marrë edhe do sheqera”, tha Deli Rexhepi, babai i Gentritit.
Pak minuta më pas, ushtarit amerikan, Nicholas Young, i shkrepi aksidentalisht arma.
Ndërsa plagët e marra, ishin të papërballueshme për Gentritin e vogël.
Krismat e armës, i dëgjoi edhe nëna e 7-vjecarit, Sanije Rexhepi, e cila ishte nga të parët që doli në vendngjarje.
“Djalin e shtinën në një autoblindë, e ushtari filloi me bërtit e me i ra të fikët, dojke me vra vetën…”, u rrëfeu Sanije Rexhepi, nëna e Gentritit.
Pas incidentit, 7-vjecari u transportua me urgjencë në kampin amerikan “Bondsteel”
Pas disa orëve, mjekët në këtë kamp, familjes ua dhanë lajmin se biri i tyre, ndërroi jetë.
“Vendosën që kanal të na tregojnë, ish fjalë e ranë, kush me marrë guximin me na tregu neve, manë fund na e kumtuan lajmin, na thanë që deri në këtë minutë e ka pas jetën…”, tha Deli Rexhepi, babai i Gentritit.
Një vit më vonë, Deli e Sanije Rexhepi, udhëtuan për në Gjermani.
Kjo pasi para Gjykatës Ushtarake Amerikane atje, doli i akuzuari për vrasjen e djalit të tyre.
Por, fjalët që këta i thanë para gjykatësit, habitën të gjithë në sallë.
“Ju them mërzi kemi që na ka ndodh, por që ushtari është i lirë prej anës tonë, nuk kemi kurrfarë akuze”, tha babai i Gentritit.
Familja që gjakun e të birit ja fali Amerikës, ka një porosi për të gjitha familjet në Kosovë.
“Gjithë shqiptarët ka janë, i kisha lut me falë gjakun…”, u shpreh nëna e Gentrit.
Me kërkesën e vet familjes Rexhepi, ushtari amerikan që ua vrau të birin, i vizitoi disa herë në shtëpinë e tyre.
Ndërkohë babai i të ndjerit duke kujtuar ngjarjen për televizionin kosovar Tëvë1 i lexon ngushëllimet që ua shprehi gjenerali amerikan, Randal Tieszen.
Ky i fundit këto fjalë i lexoi në ditën e varrimit të Gentrit Rexhepit nga Zllatari i Ferizajt.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
