Qeveria e udhëhequr nga LSDM dhe kryeministri Dimitar Kovaçevski, në kohë të krizës më të madhe botërore energjetike dhe ekonomike, sjellë masa në kohë dhe efikase, duke menaxhuar pasojat nga kriza.
Kështu shprehen sot përmes një kumtese për media nga partia në pushtet, LSDM, informon zhurnal.Sipas tyre, vetëm se ka filluar të ndjehen masat, duke parë se janë ulur çmimet e bukës, të cilat prësëri janë kthyer në 30 denarë.
“Këto çmime edhe më tej do të ulen me masën e fundit për sigurim të rrymës me çmim më të ulët fiks për kompanitë që prodhojnë prodhime bazë ushqimore.
Me këtë masë janë përfshirë 200 kompani nga sektori ushqimor, shkollat dhe ndërmarjet publike të ujësjellësit dhe stacioneve filtruese për të cilat deri në fund të prillit Qeveria ka siguruar çmime më të ulëta të energjisë elektrike”, thonë nga LSDM.
Sipas tyre, çmimi më i lirë do të mundësojë stabilizim të tregut dhe ulje të çmimeve të prodhimeve bazë për së paku 10%.
“Njëkohësisht vazhdon subvencionimi i 80% e faturave për rrymë për mbi 600,000 amvisëri dhe 72,000 kompani të vogla.
Me LSDM-në si parti përgjegjëse e cila kujdeset për qytetarët dhe kompanitë, në krizë askush nuk do të ngelet i vetëm”, thonë nga LSDM.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
