Që nga e shtuna pjesa e Mitrovicës Veriore është kthyer në, jo normalitet.
Kjo, për shkak se që nga kjo ditë zyrtarët serbë kanë filluar të japin dorëheqje nga institucionet e Kosovës.
Dorëheqja e tyre është bërë për shkak që kanë ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për ri regjistrimin e makinave që kanë targa të lëshuara nga Serbia në RKS – Republika e Kosovës.
Mobilizimi i serbëve ka shkuar deri në atë masë saqë edhe punëtorët e administratës e kanë lënë punën.
Si pasojë e kësaj, tashmë në atë pjesë kanë filluar që qytetarët të përballen edhe me probleme.
Lajmin, për frontonline e ka bëtë të ditur, zëvendëskryesuesi i Kuvendit Komunal në Mitrovicën e Veriut, Skender Sadiku.
Sadiku, ka treguar një rast të një qytetareje e cila mund të mbes pa ndihmë sociale, për shkak të dorëheqjeve që kanë ndodhur nga institucionet.
“Dje një qytetareje i ka kaluar afati për ndihmë sociale, punëtorja sociale i ka thënë hajde të hënën me dokumente të kompletuara, pra punëtorja sociale që është në kompetencë të komunës së Mitrovicës Veriore në komunë i ka thënë hajde të nesërmen dje u shkua edhe i ka thënë jo, Zoti të ndihmoftë ne e kemi kry punën dhe kemi dhënë dorëheqje. Pra, të gjithë ata që marrin ndihma sociale rrezikohen pa ato ndihma, kjo qytetare për të cilën po flas është e sëmurë dhe ndihmat i harxhon për ilaçe dhe ishte traumatizuar”, ka thënë Sadiku për Front Online.
Sipas tij, situata e sigurisë në pjesën veriore është e qetë, duke thënë se shpreson se do të ruhet edhe më tutje qetësia.
Sadiku ka thënë se qytetarët në këtë komunë janë të lodhur nga ngjarjet e mëdha dhe krejt çfarë duan është normalitet.
“Jemi lodhur me viktima dhe heronj, dhe shpresoj se së fundmi është koha e normalitetit dhe duam të jetojmë dhe të trajtohemi barabartë dhe të kemi të ardhme edhe për fëmijët tonë sikurse të gjitha qytetet e Republikës së Kosovës”, është shprehur ai.
Deri sa, ka shtuar se Evropës nuk i duhet ballkan i trazuar, por se thotë se fati i Kosovës është në fatkeqësinë e popullit ukrainas.
“Fati i Kosovës është në fatkeqësinë e popullit ukrainas dhe edhe këtu i kanë përshpejtua gjërat. Nuk i duhet Evropës ballkan i trazuar, por i duhet qetësi, paqe dhe ajo shkon në favor edhe të gjitha të komuniteteve në komunat veriore të Mitrovicës”, ka shtuar Sadiku.
Ai, ka treguar se vazhdimisht po takohet me qytetarët nga të cilët po kërkon që të ketë normalitet dhe se kjo kohë të kalohet pa telashe.
Pjesëtarët e komunitetit serb, që jetojnë në anën jugore të Lumit Ibër, marrin pjesë në institucionet lokale dhe qendrore të Kosovës qysh pas luftës më 1999. Serbët e veriut u bënë pjesë e tyre më 2014, pasi Kosova dhe Serbia arritën marrëveshjen e parë për normalizimin e marrëdhënieve më 2013. Kjo marrëveshje i integroi ata në nivelin lokal dhe qendror të pushtetit, si dhe në fushën e drejtësisë dhe sigurisë.