Që ambulancat e Qendrës Kombëtare të Urgjencës Mjekësore vonohen thuajse çdo herë që populli ka urgjencë, kjo tashmë është e ditur nga të gjithë.
Madje me qindra janë edhe denoncimet e mbërritura pranë Joq Albania në lidhje me problemin e vonesave të mbërritjes së urgjencës, duke treguar në këtë mënyrë menaxhimin skandaloz të këtij shërbimi nga drejtuesi aktual Skënder Brataj.
Por duket se këtë e ka pranuar “de facto” edhe vetë Veliaj, pasi ka organizuar një tender prej plot 60 milionë lekësh të vjetra me TVSH për të blerë apo marrë me qira një ambulancë që do të qëndrojë pranë Parkut të Liqenit Artificial.
Është mjaft interesante një frazë në dokumentacionin e tenderit ku shkruhet e bardha në të zezë se një nga arsyet kryesore për vendosjen e ambulancës është pikërisht “reduktimi i vonesës së kohës së përgjigjes ndaj emergjencave”.
Pra e thënë “shqip” Brataj nuk është i zoti t’i sjellë në kohë ambulancat pranë parkut të Liqenit në rast emergjence, prandaj Veliaj detyrohet të shpenzojë taksat e kryeqytetasve për të blerë apo marrë me qira një ambulancë.
Natyrisht është e qartë se Veliaj po e shfrytëzon këtë rast mjaft mirë për të “kullufitur” 60 milionë lekë nga tenderi që ka organizuar. Bëhet fjalë për procedurën me numër reference REF-45375-10-11-2022 dhe me objekt “Shërbim i Monitorimit dhe Menaxhimit të Poliemergjencave” me fond limit 5,416,667 lekë të reja pa TVSH ose rreth 65 milionë lekë të vjetra me TVSH.
Përveç vendosjes së ambulancës, tenderi parashikon edhe instalimin e disa kamerave, sistemeve audio me box, dhe menaxhimin e këtyre shërbimeve nëpërmjet një salle operative.
Fituese e tenderit është shpallur kompania ROGAT SECURITY në pronësi të Begator Mane, me ofertën 5,148,900 lekë të reja pa TVSH ose rreth 60 milionë lekë të vjetra me TVSH. Kjo shifër është sa 95% e fondit limit të tenderit duke ngjallur dyshime se kemi të bëjmë me një fitues të paracaktuar.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
