Dy shqiptarë kapen brenda shtëpisë së barit në Angli, 19-vjeçari “bëhet fëmijë” për të shpëtuar

Dy të rinj shqiptarë janë arrestuar në Angli pasi u kapën duke kultivuar kanabis brenda një shtëpie me 12 dhoma. E.L, 19 vjeç dhe bashkëpunëtori i tij, Xh.A, 25 vjeç, të dy pa adresë fikse u arrestuan pasi policia ekzekutoi një urdhër kontrolli në një shtëpi në Cliff Road, Hornsea. Në këtë shtëpi, policia gjeti 12 dhoma dhe 311 bimë të pjekura kanabisi duke u rritur.

Policia tha se në furnizimin me energji elektrike në ambiente e shtëpisë ishin kryer ndërhyrje, pasi faturat ishin të ulëta krahasuar me shpenzimet.

Shqiptaretu gjetën në një dhomë me ajrim. 19-vjecari i cili mbërriti në Britaninë e Madhe me kamion, i tha policisë se ai jetonte atje, por nuk e dinte se e kujt ishte shtëpia. Por kur ai u arrestua u përpoq të mashtronte policinë, duke deklaruar se ishte një 16-vjeçar i pambrojtur.

Mashtrimi i tij u zbulua shpejt nga ana e hetuesve pasi te të dhënat e tij kishte mospërputhje dhe saktësi. Gjatë seancës për dënimin e dy të rinjve, gjyqtari përmendi edhe faktin se i riu ishte përpjekur të kryente një mashtrim në lidhje me moshën. Gjyqtari madje u "tall" me shqiptarin duke e pyetur sërish për moshën:

Sa vjeç je sot? Nuk je aq i ri sa ke deklaruar më parë. Ju të dy jeni nga Shqipëria, ju u kapët në një shtëpi plot me kanabis. Ju ishit të punësuar për të ujitur dhe për t'u kujdesur për këto bimë. Në shtëpinë ku u arrestuat ju, energjia elektrike ishte anashkaluar pasi kishte një numër të madh impiantesh dhe fatura e energjisë elektrike duhej të ishte më e madhe.

Dy të rinjtë shqiptarë u dënuan me nga një vit burg. Mbetet në dorën e autoriteteve nëse shqiptarët do të bëbohen pas kryerjes së dënimit apo jo.