Gledian Llatja është kryetari i bashkisë së Elbasanit, i cili u prezantua dikur nga partia socialiste si një nga njerëzit, që do bënte ndryshim drastik në Elbasan, por që qyteti ka mbetur siç ka qenë shumë vite më parë dhe ndryshim drastik ka bërë vetëm llogaria bankare e kryebashkiakut.
Llatja i Elbasanit, i ka mbushur xhepat plot me paratë e taksapaguesve dhe këtë e dëshmon më së miri tenderi i fundit, që nëse SPAK-u do funksiononte siç duhet, sot kryetari i Bashkisë së Elbasanit do ishte pas hekurave, bashkë me ata që e kanë kopsitur këtë tender.
Bëhet fjalë për tenderin me këtë numër reference REF-37234-07-27-2022, që ka si objekt “Hartim plane mbarështimi pyje e kullota” dhe lloji procedurës është vetëm shërbim konsulence.
Vetëm për këtë shërbim konsulence janë harxhuar më shumë se 150 milionë lekë bashkë me TVSH, shifër goxha e madhe krahasuar me shërbimin që do të ofrohet.
Por çfarë ka ndodhur në këtë tender, që vërtet nuk ka shifrat, që merr Salillari, por ka pothuajse të njëjtën skemë?
Në këtë tender ka marrë pjesë vetëm bashkimi i dy kompanive XHET sh.p.k – DEJA sh.p.k, që kanë garuar me veten dhe tenderi është klasifikuar si RED FLAG, pra ka mungesë konkurrence.
Por nuk mbaron këtu. Bashkimi i kompanive ka ofruar fiks, kokërr më kokërr, sa vetë fondi limit, pra 13 691 110 të reja, pa TVSH.
Nga këto dy detaje, aspak të vogla, SPAK duhet të hidhet në veprim, të marrë në zyrë Gledian Llatjan dhe të pyetet për të gjithë procedurat. A ka qenë ky një tender i paracaktuar dhe sa para ka marrë Gledian Llatja? A kërkon vërtet 150 milionë lekë pa tvsh, konsulenca për mbarështimin e pyjeve dhe kullotave?
Këto përgjigje na i jep vetëm kryebashkiaku, por jo në komentet e lajmit, por në zyrat e SPAKU-t, që mesa duket vazhdon që të jetë në gjumin letargjik.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
