Pak ditë më parë një 55-vjeçar është arrestuar në Durrës për llogari të autoriteteve italiane. Sipas mediave në Itali Edmond Kanakçiu (Kondakçiu), i arrestuar ishte arratisur para 7 viteve.
Arrestimi u bë më 5 tetor nga policia shqiptare, e cila zbatoi urdhrin e burgut të Prokurorit të Përgjithshëm të Perugias. Identifikimi i shqiptarit i cili përdorte shtatë emra, u bë i mundur falë kërkimeve "të shumta dhe komplekse" për gjetjen e tij.
Nisur nga hetimi dhe identifikimi i personave me të cilët dyshohet se kishte lidhje i arratisuri, hetuesit e përqendruan vëmendjen te motra, e cila ndodhet në Itali dhe te bashkëshortja dhe djali i të arratisurit që banojnë në Shqipëri.
Informacioni i “çmuar” për vendbanimin aktual dhe për gjeneralitetin e saktë, të ofruar nga Prokurori i Përgjithshëm italian, i lejoi policisë shqiptare, nëpërmjet Interpolit, të bllokonte të arratisurin.
55-vjeçari që u arrestua më 5 tetor në Durrës, është në pritje të ekstradimit drejt Italisë. Ai duhet të vuajë dënimin me 25 vjet, shtatë muaj e 21 ditë burgim pasi është dënuar 4 herë.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
