Shtetasit e RMV-së shpenzuan pothuajse 195 milionë euro në 6 muajt e parë në dyqanet vendore online, që paraqet 70 për qind të vlerës totale të transaksioneve online. Gjatë gjysmës së parë të vitit 2022, qytetarët kanë blerë kryesisht nga e-dyqanet vendase, por ritmi i rritjes krahasuar me dy vitet e fundit është më pak intensiv. Rritja më e realizuar prej 169 për qind në gjysmën e parë të vitit 2020 dhe 83 për qind në vitin 2021, gjatë gjashtë muajve të parë të vitit 2022 qytetarët me karta vendore në e-dyqanet vendore shpenzuan gati 195 milionë euro online, që paraqet një rritje prej 22 për qind në krahasuar me periudhën e njëjtë të vitit paraprak, sqaron Asociacioni për tregti elektronike të Maqedonisë.
Numri i transaksioneve që qytetarët kanë bërë me e-tregtarët vendorë është 6,1 milionë dhe paraqet rritje prej 15 për qind në krahasim me periudhën e njëjtë të vitit të kaluar, kështu që vlera e transaksionit mesatar, prej 32 euro, rritet edhe për personat fizik – 30 euro, kurse për personat juridik 37 euro. Me karta të huaja për e-tregtëti vendas në gjysmën e parë të vitit 2022 janë realizuar gati 11 milionë euro, pra 43 për qind më shumë se në të njëjtën periudhë të vitit të kaluar, në 292 mijë transaksione. Mesatarja e transaksionit të të huajve me dyqanet online vendase arrin në 37.7 euro.
“Nuk është dekurajuese që rritja është dukshëm më e ulët në krahasim me dy vitet e mëparshme. Është pozitive që vlera me kartat vendase për e-tregtëti vendas ende dominon strukturën me 70 për qind. Rritja dhe zhvillimi i e-tregëtisë është në interes të të gjithëve dhe në interes të zhvillimit të ekonomisë vendase dhe për të krijuar politika dhe ndryshime të përshtatshme është e nevojshme të merren vendime që do të bazohen në të dhëna të sakta dhe cilësore”, thotë Nina Angelovska, kryetare e ATEM, raporton Flaka.
Qytetarët tanë jashtë vendit në gjashtë muajt e parë të vitit kanë realizuar transaksione në vlerë prej 71 milionë euro, që paraqet rritje prej 66 për qind në krahasim me vitin e kaluar. Në të njëjtën kohë, personat juridikë kanë një rritje më të madhe të vlerës së transaksioneve online, ose gati 70 për qind krahasuar me një vit më parë. Kjo rrit pjesëmarrjen e personave juridikë në totalin e transaksioneve në pothuajse 32 për qind. Numri i transaksioneve të bëra nga qytetarët jashtë vendit është 1,7 milionë dhe është në rritje për 31 për qind në krahasim me periudhën e njëjtë të vitit të kaluar. Mesatarja e transaksionit është 40.1 euro, për personat fizikë 31.3 euro dhe për personat juridikë 118.3 euro.
Në gjashtëmujorin e parë të vitit 2022, vlera totale e transaksioneve online të kryera në vend nga qytetarët tanë dhe të huaj dhe jashtë vendit nga qytetarët tanë, arrin në gati 277 milionë euro, që paraqet një rritje prej 31,7 për qind krahasuar me të njëjtën periudhë të vitit të kaluar.
Që nga 30 qershori 2022, në Maqedoni janë aktive 1762 pika të shitjes virtuale ose online.