Kryetari i Qeverisë së Republikës së Maqedonisë së Veriut, Dimitar Kovaçevski u takua me Larisa Dir, ambasadore e sapoemëruar e Ukrainës në vend.
Në takim u shpreh falënderim për politikat në kohë dhe konsekuente të Maqedonisë së Veriut në përputhje me politikën e jashtme të BE-së, lidhur me situatën në Ukrainë, si dhe për donacionet për të ndihmuar popullin ukrainas.
Kryeministri Kovaçevski theksoi se Republika e Maqedonisë së Veriut dënon ashpër agresionin rus ndaj qytetarëve ukrainas dhe i jep mbështetje të plotë sovranitetit dhe integritetit territorial të Ukrainës.
Kryetari i Qeverisë Kovaçevski shprehu edhe mbështetjen e tij për aspiratat integruese të Ukrainës, si vend demokratik që i përket aleancave demokratike të shteteve. Bashkërisht u konstatua se është e patjetërsueshme që Federata Ruse të tërheqë menjëherë trupat e saj nga territoret e pushtuara në Ukrainë dhe të fillojë bisedimet paqësore.
U diskutua edhe për pasojat e luftës në Ukrainë, të cilat reflektohen në sfidat në furnizimin me energji dhe ushqim në mbarë botën, si dhe mundësitë për tejkalimin e tyre.
Kryeministri Kovaçevski njoftoi se Republika e Maqedonisë së Veriut, si vend anëtar i NATO-s dhe vend që ka filluar bisedimet me BE-në, vazhdon me politika parimore për mbrojtjen e paqes, të vendosura plotësisht në përputhje me politikat e tilla të jashtme të NATO-s dhe të Bashkimit Evropian.
Në takim u konfirmuan marrëdhëniet miqësore dypalëshe mes dy vendeve dhe vendosmëria për të nxitur bashkëpunimin ekonomik në fushën e energjisë, infrastrukturës dhe turizmit.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
