Gjykata mban peng televizionin Ora dhe Ora News, avokatët kërkojnë përjashtimin e gjyqtares: Mbajti qëndrim

Shkruar nga: A Shehaj | Publikuar më: 21.09.2022, 19:05

Gjykata e Posaçme ka refuzuar kërkesën e avokatëve për tejkalimin e afateve të mbajtjes në sekuestro të televizioneve Ora dhe Ora News. Avokatët thanë se vendimi vjen në shkelje të hapur të ligjit dhe për rrjedhojë, ata kanë kërkuar përjashtimin e gjyqtares nga kjo çështje pasi verdikti i saj është shprehje edhe për thelbin e procesit. Nga ana tjetër përballja në gjykatë vazhdoi me aktin e ekspertimit që ka njohur si të ligjshme burimin e pasurive të Ylli Ndroqit.

Gjykata e Posaçme nuk ka pranuar të zbatojë ligjin sa i përket afateve për shqyrtimin e dosjes përmes së cilës prej dy vitesh mbahen nën sekuestro televizionet Ora dhe Ora News.

Edhe pse prej një periudhë të gjatë Ylli Ndroqi ka kërkuar që procesi të përshpejtohet për të dalë e vërteta deri në fund, zvarritjet e krijuara bënë që në qershor të skadonte çdo e drejtë për të marrë një vendim.

Pavarësisht kësaj, debati gjyqësor vijoi deri në shtator duke krijuar mundësi që çështja të hyjë në një situatë të paqartë ligjore për shkak të skadimit të afatit të sekuestros dhe të shqyrtimit të kërkesës për konfiskim.

Pa pritur dhe pa argument, gjykata vendosi të mos pranojë kërkesën e avokatëve.

Daci: Nuk është se prisnim ndonjë ndryshim në qasje.Gjykata nuk pranoi kërkesat tona dhe pse ne jemi të bindur se ato janë të bazuara në ligj. Ne kemi proceduar dhe me kërkesën për përjashtimin e gjyqtarit.

Por ajo që vlen të theksojmë është se nëse ne i referohemi pretendimeve fillestare të prokurorisë tani me aktin e ekspertimit që sot nga prokuroria u pranua pa vërejtje, pretendimi për bilance negative 3 milion euro është shndërruar në zero sepse ne dalim me bilanc pozitiv në dy variantet e aktekspertimit që merr formë përfundimtare në seancat e ardhshme.

Në seancë avokatët pavarësisht kësaj situate kanë vijuar me përballjen me provat, duke rrëzuar pretendimet e prokurorëve, ndërsa për mediet u shprehën se refuzimi i gjykatës për të zbatuar ligjin lidhur me afatet do të ankimohet në Apel.

Muçi: Padiskutim të dy vendimet. Vendimi i masës së sekuestros do apelohet në mënyrë të veçantë pasi e parashikon ligji. Vendimi i pushimit të gjykimit bashkë me vendimin përfundimtar do apelohen. Por për tu theksuar është fakti se nuk jemi në shinat e ligjit por kemi dalë arave dhe gjykojmë sipas vlerësimit të secilit.

Shtyrjet e procesit jashtë çdo afati ligjor tashmë kanë sjellë probleme të shtuara sa i përket funksionimit të televizioneve, madje duke krijuar edhe rrezikun e vetëcensurimit të gazetarëve.

Këto veprime jo normale vijnë në një kohë kur raportet ndërkombëtare janë më shumë se të rënduara për lirinë e shtypit dhe të medias në Shqipëri.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Qytetari nga Tirana
    Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
    Vajza nga Shkodra
    Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
    I moshuari invalid
    I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
    I riu guximtar
    I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
    Djali i pastrehë
    Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
    Dy vajza zemërgjera
    Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
Më të Lexuarat
Shkarkoni aplikacionin JOQ ALBANIA në platformat
Më të fundit