Bregdeti shqiptar nën duart e oligarkëve, Rama gostit me 9 mijë metra katrorë Gjikurinë për vetëm 1 euro

Shkruar nga: M Gjini | Publikuar më: 07.09.2022, 22:06

Duket se fatkeqësisht bregdeti shqiptar po përfundon i gjithi nëpër duart e oligarkëve. Të maskuar pas termit “insvestim strategjik”, oligarkët në këtë vend duket se po zaptojnë gjithçka e për shqiptarin e thjeshtë nuk po ngel më asgjë. Kështu mësohet se në mbledhjen e sotme të qeverisë kompania “WHITE ROADS HOTEL” në pronësi të kompanisë “GJIKURIA” është “gostitur” me 9 mijë metra katrorë falas.

Na falni miq se u ngatëruam pak, jo falas por për 1 euro. Kjo kompani siç dihet është në pronësi të Florenc dhe Milo Gjikuria të cilët një Zot e di se sa tendera të dyshimtë kanë përfituar gjatë gjithë këtyre viteve. Megjithatë duke qëndruar tek rasti i sotëm, mësohet se kompania ka përfituar statusin e “investitorit strategjik” dhe do të ndërtojë një hotel dhe 150 vila në fshatin Gjilekë, që ndodhet në Drimadhë.

Në vendim thuhet ndër të tjera: “Dhënien e miratimit për lidhjen e kontratës së qirasë, me tarifën 1 (një) euro/kontrata, ndërmjet Ministrisë së Financave dhe Ekonomisë, si qiradhënës, dhe shoqërisë “WHITE ROADS HOTEL”, sh.p.k., me NUIS M02407023J, si qiramarrës, për pronat e paluajtshme shtetërore në zonën kadastrale 1739, me numër pasurie 68/122, 5240/5 dhe 68/51/2, të llojit “truall”, me sipërfaqe totale 9 157.2 m2 (nëntë mijë e njëqind e pesëdhjetë e shtatë pikë dy), në pronësi “shtet”, me vendndodhje në Gjilekë, Bashkia Himarë, pjesë e fondit të pasurive të paluajtshme për mbështetjen e investimeve strategjike, sipas dokumentacionit të pronësisë, planvendosjes, dhe tekstit të projektkontratës, që i bashkëlidhen këtij vendimi”.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit