Paraditen e sotme u vunë në pranga menaxheret e një biznesi qendër masazhesh që përdorej si çerdhe prostitucioni për klientë të ndryshëm.
27-vjeçarja me inicialet M.H dhe 23-vjeçarja B.K u vunë sot në pranga, ndërsa pronari 47-vjeçar Mentor Musarai është shpallur në kërkim.
Së bashku me to është arrestuar edhe një punonjës i qendrës, teksa disa të tjera po procedohen në gjendje të lirë.
E gjithë skema u zbulua pas denoncimit të një klienti maqedonas, i cili kishte mbetur i pakënaqur pas shërbimeve. Ai ka deklaruar se vajzat aty e kanë mashtruar.
Më pas është mësuar nga policia se bëhej fjalë për një qendër prostitucioni.
Në rrjetet sociale në Facebook e Instagram, qendra bënte reklamimin e vajzave gjysmë të zhveshura me numrat e telefonit për rezervim.
