Qytetarët, tejet të prekur nga ngjarja e ndodhur në Potam duan të bëjnë një gjest simbolik për vogëlushen që e vrau helika e skafit të Arjan Tases.
Është hapur një peticion publik për ndryshimin e emrit të plazhit të Potamit në “Sirena Jonada”. Kjo nismë simbolike ka për qëllim kujtimin e përjetshëm të vogëlushes që iu mor jeta në plazhin e bukut të Jugut.
Peticioni ka nisur të marrë njohshmëri dhe të firmoset nga qytetarë të ndryshëm. Në mënyrë që të ndodhë ndryshimi i emrit duhet që të jepet leja nga Bashkia e Himarës.
Nëse ndodh ndryshimi i emrit, skulptori autor i veprave të Skënderbeut dhe Françesk Radit, Adrian Pepa është i gatshëm të bëjë skulturën që do i përkojë emrit të ri të plazhit.
Qytetarët shkruajnë:
“Pershendetje JOQ Kam hapur nje peticion, qe plazhi i Potamit te marre emrin e Jonades. Nese mundeni ta mbeshtesni kete projekt. Skulptori eshte i gatshem ta marre persiper. Adrian Pepa. Ka bere Francesk Radin dhe Skenderbeun. Por duhet leja nga Bashkia e Himares.
Faleminderit nese e vleresoni”
