Pas përfundimit të kontratës me Manchester United, Edison Kavani vijon të jetë në kërkim të një skuadre të re.
Flitet se e ardhmja e tij mund të jetë Italia, por në mënyrë surprizë në orët e fundit listës së pretendenteve për të marrë shërbimet e tij i është shtuar dhe Borusia Dortmund nga Bundesliga gjermane.
Sipas raportimeve nga “Bild”, klubi gjerman e shikon Kavanin si zëvendësuesin e Sebastian Haller i cili do të mungojë për një kohë të gjatë pas diagnostikimit me një tumor.
Kavani për momentin mbetet vetëm një ide e drejtuesve të Dortmund të cilët ndjekin dhe profile të tjera si Kristof Piontek, Markus Thuram dhe Antoni Modeste.
Me eksperiencën e tij, uruguaiani do ishte zgjidhja perfekte për gjermanët, të cilët kanë pretendime si në kampionat, ashtu edhe në Europë.
