Protesta e qytetarëve për vdekjen e 7-vjeçares Jonada Avdiu nga polici Arjan Tase është zhvendosur te Kryeministria para pak çastesh. Qindra qytetarë janë mbledhur para Kryeministrisë dhe po ndezin qirinj në shenjë homazhi për vrasjen e 7-vjeçares.
Qytetarët kërkojnë drejtësi për Jonadën dhe vrasjen tragjike të saj pasi frika ka kapluar jo vetëm prindërit por edhe fëmijët e tyre të cilët nuk ndihen të sigurtë as në pushime.
Kujtojmë se qytetarët kërkojnë gjithashtu edhe dorëheqjen e ministrit të Brendshëm Bledi Çuçi, drejtorit të policisë Gledis Nano dhe ministres së Turizmit, Mirela Kumbaro.