Dje Mitrovicën e tronditi lajmi për vdekjen e një fëmije 5 vjeçar në rrugën “Shaban Polluzha”.
Raportohet se 5 vjeçari ishte duke lëvizur me biçikletë dhe u godit aksidentalisht me veturë nga djali i axhës së tij. Fatkeqësisht i mituri gjeti vdekjen.
Siç raporton media lokake “Mitropol”, fëmiu që humbi jetën ishte Eris Voca, vetëm 5 vjeçar.
Eris Voca siç bëjnë të ditur familjarët, ishte i biri i Besim Vocës, me profesion elektricist.
Shoferi që po voziste veturën dhe e goditi aksidentalisht 5 vjeçarin është D.V, 21 vjeçar, djali i axhës së viktimës.
Ngjarja ka ndodhur para shtëpisë, ku i dyshuari derisa po dilte me veturë nga dyert e oborrit e goditi pesëvjeçarin i cili s’ka mundur t’iu bëjë ballë plagëve.
Aktualisht trupi i pajetë i viktimës është dërguar për obduksion në Institutin e Mjekësisë Ligjore.