Pas shumë zhvillimeve ditëve që lamë pas në veri, serbët duket se nuk duan të rrinë rehat.
Atyre së fundi iu ka penguar edhe një tabelë e cila thuhet të jetë vendosur në Kishnicë, në afërsi të Komunës së Graçanicës në të cilën shihet mbishkrimi UÇK.
Kjo madje është raportua nga e ashtuquajtura Zyra për Kosovën e cila drejtohet nga Petar Petkoviq.
“Serbët nga pjesa e Kishnicës po shikojnë drejtpërdrejtë në këtë shenjë e cila paraqet një kërcënim të dukshëm ndaj popullit serb që ka vuajtur tmerrësisht nga duart e kësaj organizate”, thuhet në reagimin e Zyrës për Kosovën në Serbi, raporton lajmi.net
Madje nga ta kjo tabelë u quajt provokim nga ana e kryeministrit të Kosovës, Albin Kurti.
“Serbët nga pjesa serbe e Kishnicës po shikojnë drejtpërdrejt në këtë shenjë, e cila paraqet një kërcënim të dukshëm ndaj popullit serb që ka vuajtur tmerrësisht nga duart e kësaj organizate”, ka thënë kjo zyre, duke etiketuar UÇK-në me terma shpifës si “kriminale” dhe “terroriste”.
“Edhe pse Prishtinën dhe Kurtin padyshim i shqetësojnë emrat serbë dhe gjuha serbe, sado që të mundohen nuk do të mund ta fshijnë ekzistencën serbe në Kosovë dhe as të dëbojnë serbët nga vatrat e tyre”, u tha nga kjo zyre.
Të njëjtit duke mos përfunduar me kaq kanë kërkuar edhe reagimin e ndërkombëtarëve, duke pyetur se si lejohet vendosja e kësaj tabele.