Chelsea po mendonte ta mbante Armando Brojën në sezonin e ardhshëm, madje e aktivizoi titullar në miqësoren e para disa ditëve, por shqiptari zhgënjeu me paraqitjen e tij para syve të trajnerit Tuchel. Në këto kushte, Chelsea mund ta huazojë sërish.
Sot, në mediat britanike është publikuar hipoteza e një kthimi te Sauthempton, klub ku Broja shkëlqeu sezonin e shkuar duke luajtur rregullisht nën urdhrat e trajnerit, Ralf Hasenhutl.
Drejtuesit e kësaj skuadre dhe vetë trajneri nuk e kanë mohuar kurrë se do të dëshironin futbollistin që të kthehej përfundimisht në radhët e tyre dhe sipas gazetarit britanik që merret me merkaton, Din Xhouns, një gjë e tillë është mëse e mundshme.