Ushtria Çlirimtare e Kosovës është një ushtri e cila u krijua nga populli si nevojë e domosdoshme për çlirim nga forcat okupatore serbe dhe për liri të popullit që po robërohej nga regjimi serb.
Por si një ushtri e tillë nuk po konsiderohet edhe nga rrjeti social “Facebook”, të cilët në një arsyetim të tyre po e konsiderojnë ushtrinë më të pastër në botë, si një organizatë terroriste.
Edhe Bashkësia Ndërkombëtare, në krye me NATO-n, nuk e ka cilësuar si të tillë. Madje, gjatë ndërhyrjes së këtyre forcave, më 1999, partner në terren e kishin pikërisht UÇK-në.
Logoja kuq e zi e shqiptarëve që luftuan për liri po konsiderohet si e rrezikshme për komunitetin e tyre, e që kjo sigurisht mund të ketë ndikim nga shteti që edhe u çlirua Kosova, pra Serbia.
“Standardet tona për individët e rrezikshëm dhe organizatave. Ne nuk lejojmë simbole, lëvdata apo mbështetje të rrezikshme”, thuhet në arsyetimin e tyre.
Ata madje e kanë listuar UÇK-në me raste tjera të rrezikshme që ndodhin në botë, e ato janë si në vijim:
• Veprimtari terroriste
Urrejtje ose dhuna e organizuar
• Vrasje masive ose serike
• Trafikimi i qenieve njerëzore
• Veprimtari kriminale ose të dëmshme
Rasti për të cilin i referohet Facebook, e që është postim i GazetaDemos, ka të bëj me një fotografi të publikuar të Komandantit të UÇK-së, Tahir Sinani.
2
