Ditën e djeshme ju paraqitëm një rast të një fëmije të vogël i cili ishte dëmtuar duke rrëshkitur tek rrëshqitëset ujore të pishinave të Aquadromit në Tiranë. Ky vend kujtojmë se u inaugurua me bujë nga Veliaj pak ditë më parë.
Madje ai u mburr se tani që pishinat kaluan në pronësi të shtetit gjërat do të bëheshin akoma më mirë sesa kur ishin në pronësi të privatit. Por fakti e tregoi se kjo nuk ndodhi, pasi jo vetëm një fëmijë u dëmtua keq në këmbë ditën e djeshme, por rezulton se ngjarjet e tilla të dëmtimit të fëmijëve po përsëriten ditë pas dite.
Kështu ditën e sotme ka qenë një tjetër prind që ka denoncuar Aquadromin. Ai denoncon se rasti i djeshëm nuk ka qenë rasti i vëtëm, pasi edhe vajza e tij e mitur vrau këmbën pikërisht në të njëjtin vend, duke përfunduar edhe në spital për mjekimin e këmbës.