Transferimi i Paulo Dybalët te Roma në këtë merkato vere, ishte padyshim një nga lëvizjet më të mirat ndër vite për kryeqytetasit italianë.
Tifozeria e Romës e ka pritur këtë transferim me shumë bujë dhe gëzim. Argjentinasi pak ditë më parë u zyrtarizua në kryeqytet ku firmosi dhe një kontratë 3-vjeçare.
Sipas “Corriere dello Sport”, sulmuesi 28-vjeçar ka thyer një rekord i cili mbahej nga CR7 në kohën kur u transferua te Juventus.
Fanella e Ronaldos në atë kohë është shitur 520 mijë herë brenda ditës, por sipas medias italiane, Dybala e ka thyer këtë rekord duke shitur 535 mijë fanella brenda ditës te Roma.
Kjo tregon qartazi se Dybala ka entiziasmuar në maksimum tifozerinë e Romës dhe ata presin shumë nga ylli argjentinas.
