Një lajm i keq ka tronditur së fundmi klubin gjerman të Borusia Dortmund. Gjithçka lidhet për futbollistin e saj më të ri, Sebastian Haller, i cili u ble këtë verë te Ajaksi për të zëvendësuar norvegjezin Haland që u largua te City.
Sulmuesi nga Bregu i Fildishtë ka braktisur stërvitjet në Zvicër dhe është kthyer në Gjermani. Në ekzaminimet e fundit lojtarit i është zbuluar një tumor në testikuj.
Haller kishte shprehur shqetësime që në mëngjesin e të hënës dhe mungoi në ndeshjen miqësore ndaj Valencias. Testimet më të hollësishme treguan se cili ishte problemi.
Haller u bë sulmuesi më i kushtueshëm në historinë e Borusia Dortmund pasi u ble nga Ajaksi për 31 milionë euro plus bonuse.
Për fatin e keq, karriera e tij te skuadra gjermane do të ndalet momentalisht, pasi ai duhet t’i nënshtrohet kurave dhe do qëndrojë jashtë fusheve për shumë kohë.
