Armando Broja do huazohet sërish, kësaj here te skuadra tjetër e Premier League, West Ham.
Eksperti i merkatos Fabricio Romano shkruan 20-vjeçari ka udhëtuar gjatë mbrëmjes për në ishull, pasi ndodhej në fazë përgatitore me Çelsin në Amerikë.
Sipas tij, klubi i West Ham është shumë pranë marrëveshjes me shqiptarin, i cili pritet të nisë një aventurë të re në Londër, por me fanellë tjetër dhe jo të Çelsit.
Paraqitjet e tij me Sauthemptonin sezonin e kaluar bënë që Broja të jetë një nga emrat më të lakuar në këtë sesion të merkatos verore.
Në sezonin e kaluar me fanellën e Sauthemptonit në të gjitha kompeticionet, Armando Broja u aktivizua gjithsej në 38 ndeshje duke shënuar 9 gola dhe duke dhuruar gjithashtu edhe 1 asist.
