Ka ndërruar jetë një nga personat që gjendej në autoambulancën e aksidentuar dje në Gjakovë.
Mediat në Kosovë raportojnë se bëhet fjalë për Skofiat Gjinin, 33 vjeçari që po voziste autoambulancën dhe nuk arriti t’u mbijetojë plagëve.
Këtë e ka konfirmuar edhe babai i tij, Gëzim Gjini, i cili është shprehur me fjalë shumë prekëse për humbjen e djalit të tij të vetëm.
“Pse na ike kështu, pse i la Babë e Nonë, Grua dhe dy Vajza!? Përfundoj jeta për Ty por edhe për Ne si Prindër! Shkove në orar pune të shpëtosh jetë, e humbe jetën tënde!”, shkroi Gjini në Facebook.
Personat e lënduar si pasojë e këtij aksidenti fillimisht janë dërguar në Emergjencën e Spitalit Rajonal të Gjakovës, e më pas janë transferuar për në QKUK, për trajtim të mëtutjeshëm.