Pasditen e sotme një breshër i furishëm ka rënë në zonë e Korçës duke dëmtuar rëndë kulturat bujqësore të mbjella nga bujqit e zonës më një mijë mundime. Jo vetëm që nuk kanë asnjë ndihmë nga shteti, por përkundrazi, qeveria e tyre tallet mjaft ashpër me ta.
Mjafton të kujtojmë vendimin e sotëm dhe deklaratën në kuvend të Ministres së Financave dhe Ekonomisë ku mësohet se oligarkët e ndërtimit do të kompensohen nga shteti me plot 6 miliardë lekë. Ky është një vendim që la pa fjalë të gjithë ekspertët e ekonomisë duke ditur se ndërtuesit jo vetëm bëjnë një evazion fiskal galopant duke deklaruar çmime të tjera nga sa shiten realisht apartamentet, por janë dhe shtylla kryesore që mbështet pastrimin e parave të drogës në Shqipëri.
Ndërkaq bujqërit e gjorë nuk i ndihmon askush duke e shpënë bujqësinë shqiptare në një kolaps të vërtetë.