Tirana ka gjithmonë e më shumë kërkesa për shtëpi me qira, por jo gjithmonë gjërat shkojnë “vaj”. Ndodh shpesh që të ketë probleme mes pronarëve dhe qiramarrësve dhe problemi kryesor është pagesa në kohë e detyrimit të qirasë.
Por një pronar në Tiranë duket se nuk ka patur shumë fat me qiramarrësen e tij të quajtur Mimoza dhe i ka bërë asaj një letër publike të cilën e ka printuar me ngjyra dhe ia ka ngjitur tek dera e jashtme. Teksti është mjaft për të qeshur, por thelbi është se pronari i shkretë kërkon nga Mimoza që të lërë shtëpinë pasi ka 3 muaj që nuk paguan qiranë.
