Arrestohen 11 persona për ‘dallavere’ me subvencione

Shkruar nga: B Hasi | Publikuar më: 29.06.2022, 20:03

Policia e Kosovës, Drejtoria për Hetimin e Krimeve Ekonomike dhe Korrupsion, ka arrestuar 11 persona nën dyshimin për ‘dallavere” me subvencione.

Aksioni i Policisë së Kosovës është realizuar në lokacione të ndryshme: Pejë, Istog, Deçan, Viti, Suharekë dhe Ferizaj.

Siç raporton Demokracia, të arrestuarit janë A.E (1987), I.K (1978), L.F (1985), G.A (1992), B.B (1978), S.B (1975), D.B (1968), H.M (1974), D.D (1996), R.Z (1974) dhe A.M (1968).

Sipas policisë, aksioni është ndërmarrë pas hetimeve disa mujore të realizuara në bashkëpunim me Prokurorinë Speciale, nën dyshimin për keqpërdorime në Agjencinë për Zhvillimin e Bujqësisë.

“Të arrestuarit, dyshohet së janë përfshirë në veprat penale: ‘keqpërdorim i pozitës apo autoritet zyrtar’, ‘marrja e ryshfetit’, ‘dhënia e ryshfetit’, ‘mashtrimi me subvencione’ ‘falsifikimi i dokumenteve zyrtare’ dhe ‘pengim i të provuarit apo procedurës zyrtare’. Tre nga të arrestuarit janë persona zyrtar, ndërsa tetë persona të dyshuar janë përfitues subvencionesh të cilët dyshohet se kanë përfituar subvencione përmes dhënies së ryshfetit dhe falsifikimit të dokumenteve”, ka njoftuar Policia.

Pas intervistimit të të dyshuarve, më aktvendim nga prokurori, të njëmbëdhjetë të dyshuarit janë dërguar në mbajtje deri në 48 orë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit