Shtrenjtimi i bukës, Qeveria fajëson furrëtarët

Shkruar nga: B Hasi | Publikuar më: 28.06.2022, 18:37

Kryeministri i Kosovës, Albin Kurti ka folur për rritjen e çmimit të bukës në vend.

Kurti para mediave ka thënë se Qeveria që drejton ai i ka marrë me shqetësim këto informata, duke shtuar se ministria e Industrisë, Ndërmarrësisë dhe Tregtisë është vënë menjëherë në veprim.

Ai ka thënë se do të ketë masa për këdo që shfrytëzon krizën në kurriz të qytetarëve.

“Ne i kemi marrë me shqetësim këto informacione për çmimet e rritura të bukës, që është ushqimi më elementar për qytetarët. Ministria është duke përgatitur një përgjigje të Qeverisë. Kemi vënë tavanin për çmimin e naftës, duhet të shohim çfarë mund të bëjmë që të mos dëmtohen konsumatorët e vendit tonë. Duhet të shohim vlerësimin e MINT-it dhe ta mbrojmë konsumatorin kosovar nga ata që mund ta keqpërdorin situatën në këtë kohë krize”, ka thënë kryeministri Kurti.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit