“Rëndësia e parandalimit për ballafaqim me zjarre në ambient të hapur në verë” titullohej debati i mbajtur dje në Fakultetin Natyror-matematikor në Shkup, i organizuar nga Sektori për parandalim në SPB Shkup.
Qëllimi kryesor i këtyre aktiviteteve parandaluese është mbrojtja dhe ruajtja e pyjeve dhe zonave të tjera nga zjarret, mbrojtja e tokës bujqësore, livadheve, kullotave nga zjarri, ndërgjegjësimi i opinionit, si dhe forcimi i besimit dhe bashkëpunimit ndërmjet policisë dhe qytetarëve dhe krijimi i partneriteteve.
Në forum morën pjesë përfaqësues të NP “Pyjet kombëtare”, kryetari i Shoqatës së zjarrfikësve të Maqedonisë së Veriut, përfaqësues të Brigadës së Zjarrfikësve të Qytetit të Shkupit, profesorë dhe studentë të Fakultetit të Pylltarisë dhe Shkencave Natyrore dhe Matematikë. Ata në tribunë, njoftoi sot MPB-ja, dhanë qëndrimet e tyre për rëndësinë e parandalimit të zjarreve dhe mundësinë e aplikimit të koordinuar të tij për të gjitha institucionet me përfshirjen e komunitetit.
Kjo tribunë është pjesë e aktiviteteve të Sektorit për parandalim të SPB-së, e cila do të vazhdojë gjatë verës në lokacionet në dalje të autostradave dhe rrugëve rajonale, si vende me frekuencë të madhe të automjeteve dhe njerëzve në zonën e SPB-së Shkup.
