Kadri Veseli në Hagë: Gajlen e Preshevës e kam si gajlen e Mitrovicës

Shkruar nga: B Hasi | Publikuar më: 27.06.2022, 17:01

Para derës së vendit ku po mbahen në paraburgim ish-krerët e UÇK-së, të akuzuar për krime lufte, politikani nga Lugina veçon një fjali që ia ka thënë Kadri Veseli gjatë vizitës së tij.

Kryetari i Preshevës, Shqipërim Arifi, ka qëndruar këtë fundjavë në Hagë, ku, siç njoftoi ai, ka takuar ish-Presidentin Hashim Thaçi dhe ish-kryeparlamentarët Jakup Krasniqi dhe Kadri Veseli. Për të tre, Arifi thotë se janë me shëndet të plotë dhe “pozitivë”.

“Konsiderojmë se do të lirohen sa më shpejt dhe atë të në formë të pafajshëm dhe të kthehen në vendlindjet e tyre dhe në familjet e tyre. Deri atëherë, shpresojmë që gjykata merr parasysh kërkesat e shumta, të cilat në mënyrë institucionale janë drejtuar këtu, që të mbrohen në liri. Unë kam qenë shumë i befasuar me pozitivitetin e të tri vëllezërve që janë këtu, siç është Kadri Veseli, apo edhe ish-presidenti Thaçi, por edhe baca Kupë [flet për Krasniqin],të cilët gëzoheshin për shëndetin e mirë, por edhe kanë dhënë fjalë pozitive”, tregon Arifi.

Arifi thotë se Veseli, që vjen nga Mitrovica, i ka thënë se “gajlen e Preshëvës” e ka të njëjtë si të qytetit të tij. “Një nga fjalët që më ka mbetur nga të tretë në mendje është që ‘ne gjendemi në burg, por mendojmë pozitivisht edhe të mirën e gjithë kombit’. Por, edhe një nga fjala e ish-kryeparlamentarit ishte ‘gajlen e Preshevës e kam si gajlen e Mitrovicës”, thotë kryetari i Preshëvës në një video të realizuar në Hagë dhe të publikuar në Facebook.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit