Shoqata e Naftëtarëve të Kosovës ka reaguar pas vendimit të sotëm të Ministrisë së Industrisë, Ndërmarrësisë dhe Tregtisë, për çmimet e derivateve të naftës për 24 orë.
Fadil Berjani, kryetar i Shoqatës së Naftëtarëve, ka thënë për Indeksonline se ky vendim i Qverisë duhet respektuar, por që, në këtë vendim, është një gabim.
“Vendimi i Qeverisë duhet të respektohet dhe është duke është duke u respektuar. Por vendimi ka gabime në kalkulim të çmimit. Shpresojmë se në ditët në vijim do të përmirësohet”, tha Berjani për indeksonline.
MINT më herët publikoi çmimoren e re të derivateve, e cila u përcaktua të hyjë në fuqi nga ora 10.
Sipas kësaj çmimore, çmimi maksimal i lejuar për dizel është 1.85 euro për litër, për benzinë 1.74 dhe për gas 0.75 euro për litër.