Ministria e Finanacave ndal pagesat për disa lehona

Shkruar nga: B Hasi | Publikuar më: 27.06.2022, 11:22

Shtesat për lehonat nuk po aplikohen gjithmonë në mënyrë të drejtë sipas këtyre të fundit, disa raste ankesat i kanë quar deri të Këshilli për Mbrojtje të Drejtave dhe Lirive të Njeriut.

Nga Ministria e Financave nuk kanë përgjigje.

170 euro në muaj është shume që lehonat marrin që nga viti i kaluar. Një përkrahjet të tillë për tre muaj e marrin ato që janë të punësuara, ndërkaq 6 muaj këto para paguhen për ato që nuk kanë kontratë pune.

Por, përfitueseve të këtyre mjeteve po iu ndodh që të kenë telashe me Ministrinë e Financave.

Ndërsa në një rast konkrete ku një nënën lehonë e papunësuar, Ministria e Financave ia kishte ndërprerë shtesat para kohës, me ç’rast kjo e fundit është ankuar në Këshillin për Mbrojtjen e Lirive dhe të Drejtave të Njeriut. “Një rast më konkret që është ankuar tek ne, një nënë e cila vitin e kaluar ka qenë e a angazhuar në zgjedhje paramendojeni ka punuar vetëm një ditë në procesin zgjedhor dhe për këtë arsye Ministria e Financave ja ka ndërpre pagesën. Sipas pohimit të së njëjtën nënë ajo ka marrë vetëm për tre muaj shtesën për 170 euro ndërkaq për tre muajt tjerë jo”, kishte deklaruar Valentina Demolli

Valentina Demolli nga KMDLNJ, ka thënë se Ministria përveç të drejtave të njeriut po e shkel edhe ligjin.

“Ministria e Financave po bëhet shkelëse e të drejtave të lehonave në përfitimin e pagesës e cila është e paraparë për periudhën 6 mujore. Prandaj, ne i bëjmë thirrje Ministrisë por edhe komisionit që vlerëson ankesat që të jenë më të përgjegjshëm në punë sidomos në këtë situatë të rënduar ekonomike”, ka shtuar ajo. Nga ana tjetër Marigona Drevinja nga Instituti Musine Kokalari, ka theksuar se mënyra e shpejtë si është marrë ky vendim, paraqet këto komplikime në proces.

“Nevojitet një ndërhyrje më cilësore dhe të shpenzohet më shumë kohë dhe të vlerësohet se kujt i takon dhe në bazë të çfarë kushtesh, vendimi është marrë shumë shpejt dhe nuk mund të vazhdohet me vendime të tilla, duhet të bëhet shndërrimi në kategori të së drejtës”, ka sqaruar Marigona Drevinja.

Ndërkohë ekziston një linjë telefonike, që mirëpret ankesat lidhur me shtesat e lehonave, por që telefonata të tilla rrallë mund të realizohen.

Ky është numri emergjent që Ministria e Financave ka vendosur në faqen zyrtare ku lehonat mund të ankohen në rast se ju ndërprehen shtesat por gjatë gjithë ditës askush në këtë numër nuk është përgjigjur.

Televizioni Dukagjini u ka dërguar pyetje Ministrisë së Financave lidhur me këto problematika por që të njëjtit as përmes postës elektronike nuk kanë kthyer përgjigje.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit