Një rast i rëndë që është publikuar në rrjetet sociale e në mediat kosovare ka shqetësuar shumë qytetarë.
Në videon që po qarkullon në mediat online, shihet një vajzë e vogël se si po dhunohet fizikisht nga një burrë.
Raportohet se ngjarja ka ndodhur në parkun “Tauk Bahçe” në Prishtinë, ku burri që ka rrahur mizorisht vajzën e mitur duket se është familjar ose i njohur i saj.
Siç mund të shihet në video, derisa vajza tenton të mbrojë fytyrën, burri vazhdon ta godasë me sa ka fuqi vajzën edhe në kokë.
Këto pamje janë publikuar sot në rrjetet sociale, derisa nuk dihet saktësisht se kur ka ndodhur rasti.