Tragjedi në Pejë: Babai gjen të vdekur djalin në ballkon

Shkruar nga: B Hasi | Publikuar më: 22.06.2022, 09:44

Një ngjarje e rëndë ka ndodhur në orët e para të mëngjesit të sotëm në Pejë, ku një person është gjetur pa shenja jete në ballkonin e banesës së tij.

Sipas emergjencës, në orët e hershme të mëngjesit kanë pranuar një thirrje për t’i dalë në ndihmë një qytetari, i cili dyshohej se ishte në rrezik për jetën.

Një ekip mjekësor i është përgjigjur thirrjes dhe me të arritur në lokacionin në rrugën ‘Lekë Dukagjini’, në ballkonin e një banesë është gjetur një i ri i moshës 24-vjeçare, i cili ishte pa ndjenja.

Pas ekzaminimit për shenjat vitale, nga mjeku është konstatuar se personi kishte ndërruar jetë.

Siç raporton gazeta Sinjali, të ndjerin e ka gjetur babai i tij, sipas të cilit i riu ishte i shtrirë në tokë dhe afër ishte një thikë.

Dyshimet e para janë se 24-vjeçari ka kryer vetëvrasje, teksa në vendin e ngjarjes po ashtu ka dalë edhe Policia, të cilët po kryejnë veprimet e nevojshme policore.

Sinjali do t’iu mbajë të informuar me detajet e reja lidhur me rastin.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit