Nipi reper i Alqi Bllakos gjobitet me 10 milionë dollarë: U shiste vepra arti mafiozëve të pasur shqiptarë

Shkruar nga: A Shehaj | Publikuar më: 21.06.2022, 20:26

Gio Basha, nipi i ish-deputetit Alqi Bllako është gjobitur me 10 milionë dollarë nga SEC (komisioni i letrave me vlerë dhe këmbimit). Në artikullin e “Ventsmagazine” thuhet se kjo nuk është përplasja e parë e tij me ligjin pasi edhe më parë është hetuar për pastrim parash bashkë me Bllakon.

Artikulli i plotë:

Artist, reper apo kriminel? Figura enigmatike dhe shpesh e diskutueshme e njohur si Gio Basha sapo është gjobitur me 10 milionë dollarë nga SEC (komisioni i letrave me vlerë dhe këmbimit) dhe kjo nuk është përplasja e tij e parë me ligjin.

Sipas “Ventsmagazine” në vitin 2011 Basha po hetohej nga FBI për pastrim parash me dajën e tij, politikanin shqiptar “Alqi Bllako”. Duket se imuniteti diplomatik luajti një rol në rrëzimin e këtij hetimi, megjithatë llogaritë bankare të Bashës u bllokuan dhe pasuritë e tij u sekuestruan. Në vitin 2021 Basha thuhet se fitoi mbi 15 milionë dollarë në industrinë private të artit, por ai u vu sërish nën hetim për pastrim parash dhe këtë herë firma e kapitalit privat të Bashës u gjobit me 3 milionë dollarë për dështimin e zbatimt të politikave dhe procedurave të pajtueshmërisë me parandalimin e keqpërdorimit të materialit, informacionit jopublik.

Sipas një raporti të ICC-së, dyshohej se Basha u shiste vepra arti vetëm mafiozëve të pasur shqiptarë dhe trafikantëve ndërkombëtarë të drogës. Një hetim tregoi se, ndryshe nga shitja e aksioneve ose kryerja e transfertave rutinë bankare, shitjet e artit privat përmes shtëpive të ankandeve nuk i nënshtrohen dispozitave kundër pastrimit të parave në Aktin e Sekretit Bankar. Basha ishte në gjendje ta shfrytëzonte këtë boshllëk, sepse kur arti shitet, shitësit nuk u kërkohet të konfirmojnë identitetin e blerësit dhe as të sigurohen që vepra e artit të mos përdoret për të pastruar paratë e pista.

Muajin e kaluar, një bastisje në një rezidencë në Itali, që i përkiste një bosi të njohur mafioz sicilian, e çoi FBI-në menjëherë te Gio Basha. Sipas një raporti italian të AISE, Basha veproi si ndërmjetës në mbi 300 marrëveshje private të artit, duke përdorur një sistem të quajtur banking hije, ai ishte në gjendje të pastronte miliona për politikanët e korruptuar dhe oligarkët rusë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit