Partia opozitare maqedonase OBRM-PDUKM, duke u bazuar në informacione që i kanë marrë si parti, thonë se në kanalet për komunikim mes Ministrisë së Jashtme të Maqedonisë dhe Francës është miratuar propozimi francez për zgjidhjen e kontestit.
Nga kjo parti thonë se Qeveria e LSDM-së po e lejon bullgarizimin e Maqedonisë. “Qeveria e Maqedonisë është pajtuar me propozimin e fundit katastrofik për Maqedoninë. A heshtja e qeverisë për këtë propozim është për faktin se për shkak ata tashmë e kanë pranuar? Le të thonë publikisht se çfarë qëndrimi kanë. A janë të vetëdijshëm se nëse e kanë marrë propozimin, i cili i përmban të gjitha kërkesat bullgare, bëjnë tradhti të re kombëtare?”
“Publikisht të thonë nëse Koveçevski është pajtuar me bullgarizimin e Maqedonisë? Propozimi i cili i ka të gjitha kërkesat bullgare në kornizën për bisedime më hyrje në BE është me aminin e autoriteteve të Maqedonisë”, deklaroi Ivica Tomovski nga OBRM-PDUKM.
