Vaji ushqimor është shtrenjtuar përsëri.
Nga 2.91 sa ishte më herët tashme çmimi ka shkuar në 2.98 centë, që i bie se është rritur për 7 centë, brenda një dite.
Sipas njoftimit që ka bërë Agjencia e Statistikave tek rubrika “çmimet ditore” është treguar se vaji ushqimor është shtrenjtuar për 7 cent.
Ditë më parë një litër vaj është shitur me 2.91 centë, kurse tani ai ka shkuar në 2.98 centë. Vaj ushqimor luledielli – Floil, 1 litër tani kushton 2,98 cent, kurse në ditët e kaluar të javës është shitur më 2,91 centë”, ka treguar ASK.
Ditë më parë ASK ka treguar se çmimet për produktet bazike ushqimore në Kosovë nga maji i vitit të kaluar janë rritur 12.5 për qind, shjruan demokracia.
Sipas raportit “Indeksi i Harmonizuar Çmimeve të Konsumit, maj 2022”, ngritja më e madhe e çmimeve vërehet te karburantet me 5.5 për qind, ndjekur nga pemët me 5.4 për qind dhe vajrat e yndyrat ushqimore me 5.2 për qind.
Indeksi i tërësishëm i Harmonizuar i Çmimeve të Konsumit është më i lartë në një mesatare prej 0.9 për qind në muajin maj 2022 krahasuar me muajin prill 2022. Kjo kryesisht është shpjeguar me ngritjen e çmimeve të konsumit të bukës dhe drithërave me 1.8 për qind, mishi me 4.3 për qind, qumështi, djathi dhe vezët me 0.5 për qind, vajrat dhe yndyrat ushqimore me 5.2 për qind, pemët me 5.4 për qind, sheqeri, reçeli, mjalti, çokollata dhe ëmbëlsirat me 1.3 për qind, prodhime të ndryshme ushqimore salca, erëza kripë, ushqim për fëmijë me 2.3 për qind dhe kafja, çaji dhe kakao me 1.9 për qind”, thuhet në raport.
“Uji, pijet joalkoolike, lëngjet nga pemët dhe perimet janë rritur me 1 për qind, pijet alkoolike me 0.9 për qind, këpucët me 3 për qind, mirëmbajtja dhe rregullimi i vendbanimit me 1.5 për qind, lëndët djegëse të ngurta, dru zjarri, pelet me 1.3 për qind, mobilje dhe orendi, qilima dhe mbulesa të tjera dyshemeje me 1.5 për qind, pajisjet shtëpiake me 0.4 për qind, mallrat dhe shërbimet për mirëmbajtjen e zakonshme të ekonomisë shtëpiake me 0.3 për qind, karburantet dhe lubrifikantët për pajisjet e transportit personal me 5.5 për qind, pajisjet audio-vizuale, fotografike për përpunimin e informatave me 1.2 për qind, shërbimet hoteliere me 0.5 për qind, pra me një ndikim të përbashkët të këtyre nëngrupeve prej 1.4 për qind në IHÇK”
