Në një klip 16 sekondësh të postuar të shtunën në Twitter nga Policia e New York duket autori i veshur me të zeza, me fytyrën e mbuluar nga një maskë i cili shfaqet duke zbritur nga një biçikletë. Ai sulet me një thikë të madhe drejt një qytetari 29-vjeçar.
Viktima kishte vënë një kapelë bejsbolli dhe maskë të bardhë dhe mbante në duar një qese letre ngjyrë kafe dhe është filmuar duke u përpjekur t'i shpëtojë burrit me thikë.
Sipas policisë, ngjarja u filmua në kamera, në mes të ditës. I plagosuri u godit disa herë në shpinë dhe në krahun e majtë të kraharorit. Policët thanë se viktima nuk e njihte sulmuesin e dyshuar.
Goditja me thikë ndodhi në trotuar pranë një hyrje të metrosë në stacionin e trenit East 63rd Street dhe Third Avenue Q dhe F pak para orës 14:00, tha policia. Burri raportohet se ndodhet në gjendje të stabilizuar shëndetësore, raporton NYP.
NYC: On 5/26 at 1:50 pm, near 3 Avenue & E 63 Street in Manhattan, a 29-year-old male was walking when he was slashed multiple times in the back and arm by an unknown individual. If you have any information on the incident or suspect, contact @NYPDTips at 800-577-TIPS. pic.twitter.com/X02VYeGpbZ
— NYPD NEWS (@NYPDnews) May 28, 2022