Presidenti i UEFA-s zbulon mesazhet me Mourinhon: Aq shumë zemra nuk m’i kanë nisur as femrat

Duket se Jose Mourinho e ka marrë me qejf të madh finalen e 25 majit në Conference League, e cila do luhet në Tiranë. Roma e Mourinhos është finaliste dhe do përballet me Feynordin. Tekniku portugez është shfaqur i entuziasmuar për këtë duel.

Dhe për të kuptuar entuziazmin e portugezit, mjafton të dëgjosh fjalët e Aleksander Çeferin. Presidenti i UEFA-s ka dhënë një intervistë për 24ur.com ku ka treguar pikërisht një shkëmbim mesazhesh me teknikun portugez të Romës.

Çeferin me humor tha:

Kishte aq shumë skeptikë për Ligën e Konferencës. Unë mora një SMS nga Mourinho pasi u kualifikua dhe ai ishte shumë i emocionuar. Aq shumë zemra nuk m’i kanë nisur as femrat”