I ofendoi djalin/ Nëna e Alban Ramosajt – Agim Doçit: Shijo rakinë me pensionin që merr nga Kosova

Shkruar nga: S Shtjefni | Publikuar më: 14.05.2022, 16:02

Eurovizion dhe skualifikimi i Ronela Hajatit është kryefjalë e mediave këto ditët e fundit. Por veç kësaj bujë bëri edhe deklarata e kompozitorit Agim Doçi, ku fyeu këngëtarin Alban Ramosaj. I ftuar në një emision televiziv, Doçi tha se Alban Ramosaj nuk mund të fitonte “Festivalin e këngës” pasi kënga “Theje” ishte parodi i estradës së Tiranës, teksa shtoi se Albani do të përfaqësonte më mirë Kosovën dhe jo Shqipërinë.

Agim Doçi:

Kur më thoshte njeri pse nuk ja dhatë Ramosajt. Ramosaj si shqiptar i Kosovës le të konkurrojë në Eurovizion për Republikën e Kosovës. Europa tallet edhe me Kosovën edhe me ne, sepse unë nuk mund të çoj një këngë që ishte parodi për estradën e Tiranës si ekipi i 5 vetave norvegjez, jepi ujkut një banane. Këto të Kosovës kanë përfituar nga një komision hallexhinjsh që jua pranon këngët.

Kjo bëri të irritohet vetë këngëtari, Albana Ramosaj i cili përmes një postimi në Instagram, e konsideroi Doçin si racist.

Reagimi i Alban Ramosaj:

I Nderuar Z.Doci. (Gjithashtu antar i jurise se festivalit te fundvitit ku konkurrava me “Theje”) Ajo qe duhet te “te vrasi” eshte fillmisht rracizmi ndaj “Shqiptareve te Kosoves” sic po na ndan e po na etiketon, pastaj era e komunizmit qe kuterbon nga ty ne kete interviste. Europa nuk tallet me Kosovan apo Shqiperine, por me zgjedhjet qe bejm e si i lejojme te na shohin nder vite. (Meqe ra llafi, kemi nje liste te gjate me individe qe na krenojne neper bote si: Dua Lipa, Rita Ora, Ava Max, Bebe Rexha, Ermal Meta, Inva Mula, e shume te tjere) E meqe ke qejf te na ndash, le ti hyjme me thelle natyres se kendveshtrimit tend. Ka qene po nje “Shqiptare e Kosoves” qe na ka ngritur ne rezultatin me te larte historik ne Eurosong, apo harruat? te kujton gje emri Rona Nishliu? Persa i perket cfare jam, jam nje Shqipe! qe madje gezoj dhe emrin Alban nga nje baba (drite paste) shume patriot dhe me dije te thella per historine dhe gjakun tone. Flas 4 gjuhe te huaja, kam pashaporte Shqiptare dhe Kosovare, jam i lindur ne Holland, rritur ne Shqiperi me origjine nga Kosova e me rezidence ne Spanje dhe jam shume me shume Shqiptare se sa ju edhe shume me shume Europian se sa ju. Nuk jeni askushi qe te na ndani e te na limitoni per te perfaqesuar Mamane-Shqiperi ne Europe apo kudo! Te sygjeroj te kursesh rakine ne dalje televizive dhe te perfaqesosh moshen tuaj e te na thuash dy tre gjera te mencura heres tjeter. Uroj te jesh gjall per vitin qe vjen e te shohesh se si do na perfaqesoj nje ‘Shqiptar nga Kosova.

Por një reagim të fortë e ka pasur edhe nëna e Alban Ramosajt, Antigona Ramosaj e cila përmes një story, ka ironizuar Doçin duke i thënë të shijojë rakinë e mëngjesit me pensionin që merr nga Republika e Kosovës.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të klikoni këtu për të na kontaktuar.
Më të Lexuarat
Shkarkoni aplikacionin JOQ ALBANIA në platformat
Më të fundit