BOSS-i shqiptar i FOREX ka zhvatur MILIARDA, i vëllai është shef në Polici

Shkruar nga: A Gjoni | Publikuar më: 14.05.2022, 13:38

Pak ditë më parë JOQ Albania denoncoi me fakte dhe burime tentakulat e oktapodit të FOREX që operon në Shqipëri duke pastruar paratë me anë të kamuflimit si Call-Center.

Pas artikullit të parë demaskues të JOQ Albania, qytetarët vijojnë të dërgojnë informacione të brendshme mbi grupin kriminal dhe lidhjet e tyre për redaksinë.

“Koka” e tentakulave, italiani Alessandro Ungaro, e pas tij administratorët e aksionerët shqiptarë të bizneseve të tij të parave kriminale të FOREX, zbulon se ky grup kriminal i cili nuk është goditur ende nga drejtësia ka një armë të fortë në polici.

Burimi raporton se Artur Kullojka vëllai i shefit të Ungaros, Doris Kullojka, administratori i kompanisë “MOMUS” që zhvat shtetasit e huaj dhe i bind të investojnë në bursa, është shef rendi në komisariatin numër 4 në kryeqytet.

I njëjti burim garanton për JOQ Albania, se jo rastësisht Artur Kullojka është vënë në atë pozicion dhe grupi i FOREX i kanë krahët e paprekshme nga policia.

Këto tentakula që kanë mbështjellë fort dhe kanë ndihmuar në zhvlerësimin e lekut të pastër në vend me zhvatjet galopante që u kanë bërë të huajve, kanë llogari të mbushura full me para të pisëta, SPAK i duhet thjesht të nisë hetimet për të hedhur dritë e për të zbuluar një ndër skemat më të mëdha të implementuara në vend të parave me aktivitet kriminal të jashtëligjshëm.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të klikoni këtu për të na kontaktuar.
Më të Lexuarat
Shkarkoni aplikacionin JOQ ALBANIA në platformat
Më të fundit