UEFA ka përcaktuar sot se kush do jetë gjyqtari që do të vendosë drejtësi në sfidën finale të Conference League midis Romës dhe Fejnordit, e cila do të luhet në stadiumin “Air Albania” në Tiranë më 25 maj.
Rumuni, Istvan Kovaç është zgjedhur si arbitër kryesor i kësaj përballje, i asistuar nga bashkëkombësit e tij, Marineçu dhe Artene, ndërsa arbitër i katërt do të jetë zvicerani, Sharer. Ata që do të marrin vendimet nga dhoma e VAR është zgjedhur treshja gjermane, me Marko Fritz në krye, me Dingert dhe Dankert si asistentë.