Milani nuk di të ndalet në luftën për titullin e Serisë A. Ekipi kuqezi ka marrë sonte një tjetër fitore shumë të rëndësishme në garën për kampionatin, teksa ka mundur Veronën me rezultatin 1-3 në transfertë.
Vendasit gjetën të parët avantazhin dhe rrezikuan seriozisht Milanit, por 2 gola nga kombinimi Leao-Tonali dhe më pas një supergol i Florenzit përmbysën gjithçka duke i dhuruar Milanit fitoren madhështore.
Kuqezinjtë ngjiten kështu përsëri në krye të renditjes me 2 pikë avantazh nga Interi dy ndeshje nga fundi i kampionatit. Milanit i duhen vetëm 4 pikë në dy ndeshjet e mbetura për t'u shpallur kampion.
