Manchester United i ka thënë dje lamtumirë matematikisht mundësisë që të kualifikohet në Champions League për sezonin e ardhshëm. Humbja turpëruese 4-0 ndaj Brighton ka bërë që “djajtë e kuq” të jenë zyrtarisht jashtë garës dhe tani duhet të mendojnë për Ligën e Europës. Një disfatë për klubin e sidomos për “Mr. Champions”, Kristiano Ronaldon.
Sulmuesi portugez, thuajse gjatë gjithë karrierës së tij ia kishte dalë që të siguronte pjesëmarrjen në turneun më të rëndësishëm për klube e mendonte se me Junajtid do ta kishte të sigurt gjithashtu. Kudo që kishte luajtur, Ronaldo kishte siguruar për 19 vite radhazi praninë në Ligën e Kampioneve në edicionin pasardhës.
Për herë të fundit, ai nuk ia kishte dalë të siguronte Champions me një klub në sezonin 2002-2003, kur luante te Sporting Lisbona. Ronaldo nuk e kapërdin dot dështimin dhe buzëqeshja e portugezit me ironi pas golit të tretë të Brightonit ka bërë xhiron e rrjtit.
Cameras spot Cristiano Ronaldo laughing during Man United's embarrassing 4-0 drubbing by Brighton https://t.co/1PaeR9PQZQ pic.twitter.com/phffFt85Ix
— MailOnline Sport (@MailSport) May 7, 2022