Nikolin Jaka “shtrin tentakulat” dhe në aviacion, 1 milion euro tender për pastrimin e ALBCONTROL

Shkruar nga: M Gjini | Publikuar më: 21.04.2022, 21:40

Nikolin Jaka duket se përfitimet më të mëdha i merr nga tenderat e pastrimit. Kjo pasi nëse i hedh një sy tenderave të fundit me këtë objekt, Jaka rezulton ndër përfituesit e parë me kompaninë e tij SORI-AL. Por nëse deri pak kohë më parë, kryesisht ai ka fituar tenderat e pastrimit nëpër spitale, së fundmi rezulton se ka shtrirë “tentakulat e tij” edhe në fushën e aviacionit.

Bëhet fjalë për një tendr të organizuar nga ALBCONTROL SH.A (ish A.N.T.A) me objekt “Shërbimi i pastrimit të ambjenteve të Albcontrol sha”. Fondi limit i kësaj procedure është 84,175,068 lekë të reja pa TVSH ose rreth 1 milion euro me TVSH. Shërbimet që kërkohen nga kompania fituese përfshijnë pastrimin e zyrave, korridoreve, sallave, banjove, vetratave të brendshme e të jashtme, dyerve dhe shkallëve të të gjitha mjediseve të brendshme të të gjitha zyrave të ALBCONTROL SHA (përfshirë dhe “Marubi Lounge”).

Në tender rezulton se kanë marrë pjesë 6 kompani apo bashkime operatoresh. Interesant është fakti se oferta e fituesit është e pesta në një renditje nga çmimi më i ulët deri tek më i larti. Kjo do të thotë se 4 kompani të tjera kanë ofruar vlera më të ulëta dhe megjithatë nuk janë marrë në konsideratë.

Fitues, ashtu siç ua bëmë të ditur në fillim, është shpallur kompania “Sori-Al” në pronësi të Alma Tafanit, bashkëshortes së Nikolin Jakës dhe “Albstone” në pronësi të shtetasit Mirsi Hasa. Oferta e tyre është rreth 1 milion euro me TVSH, ose rreth 94% e vlerës së fondit limit. Duke konsideruar të gjitha sa më sipër, tenderi cilësohet tepër i dyshimtë dhe ka gjasa të mëdha që fituesi të ketë qenë i paracaktuar. Ju si mendoni?

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të klikoni këtu për të na kontaktuar.
Më të Lexuarat
Shkarkoni aplikacionin JOQ ALBANIA në platformat
Më të fundit