Tenderi “Xhiro e fundit”/ Morgu merr me qira 3 fuoristrada të 2022 për 100 milionë lekë

Shkruar nga: M Gjini | Publikuar më: 06.04.2022, 21:39

Çudirat shqiptare janë vërtetë të pafundme. Jo vetëm një por shumë më tepër mund të gjenerohen çdo ditë në këtë vend të bekuar të quajtur Shqipëri. Njëra prej tyre e cila me siguri është e denjë për rekordet Guiness është edhe një tender i organizuar nga Morgu në Tiranë. Rezulton se “çunat” e morgut kanë dëshirë të marrin 3 fuoristrada prodhim i vitit 2022 me qira për një vlerë që shkon gati 100 milionë lekë.

Nuk dihet se përse morgut i duhen tre fuoristrada të 2022 për të bërë punën e tyre, pasi sigurisht nuk u duhen për të bër “xhiron e fundit” për të ndjerët e gjorë që kanë patur fatin e keq të përfundojë aty. E megjithatë plot 100 milionë lekë janë harxhuar nga buxheti i shtetit që morgu të marrë me qira fuoristradat e mësipërme.

Më konkretisht bëhet fjalë për tenderin me numër reference REF-21372-03-07-2022 i organizuar nga Instituti i Mjekësisë Ligjore me objekt “Marrje me qira të 3 automjeteve” me fond limit 7,650,000 lekë të reja pa TVSH ose rreth 92 milionë lekë të vjetra me TVSH.

Tenderi përveç objektit tepër të çuditshëm, është gjithashtu edhe tepër i dyshimtë për mënyrën se si është realizuar. Në rastin konkret shikohet se ka një mungesë konkurrence pasi ka fituar vetëm firma që garoi. Në rastin konkret bëhet fjalë për bashkimin e operatorëve AFA RENT A CAR SHPK, – LIDER-AUTO FRANCE –AL SHPK – PARTNER të cilët kanë ofruar 7,599,960 lëkë të reja.

Kjo vlerë është vetëm 50 mijë lekë më e vogël se fondi limit i tenderit, pra kemi të bëjmë me një ofertë me vlerë mbi 99% të fondit limit. Një flamur i kuq ky që duhet tundur fort para “fytyrës” së SPAK.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të klikoni këtu për të na kontaktuar.
Më të Lexuarat
Shkarkoni aplikacionin JOQ ALBANIA në platformat
Më të fundit